ياخوي بلّغ عذر نفسي شرهتك .. واعذر يدي
وبلّغ عذر قلبي لظنّك .. جعل ظنّك ما يخيب
البارحة ما زاد من همي .. ومن ترددّي
طلع مع عيوني يشوف من التفاكير ويجيب
إحساس ورا إحساس .. كل ٍ مبتدي
إحساس يتسيطر علي وإحساس ينساني ويطيب
وإحساس متراكم عليه الوقت .. حاديني حدي
أقسى عليّ من العدو .. وإلطف معاي من الغريب
أوقات مدري ويش ابي .. وأوقات عارف مقصدي
ومتساويه في خاطري .. دام القدر هوّ النصيب
كم حرّة با لقلب مخفيها .. وخايف تنسدي
وعيّت لا تبرد كنها ما تبرد إلا لين أشيب
هذا وأنا بالي على الأيام طولان .. وهدي
واليا تضايق قلت يا بالي ترى الضيقات عيب
لو إن قلبي صار يسهر نوب برّا مرقدي
صار أقشر من الوقت .. وآنا خابره حلو وحبيب
لو كلّ قلب يحس .. ما حصلت لك قلب ايغدي
وما حس ّ بك مبعد .. قبل يدري عنك اقرب قريب
الشاعر / عبدالله الحميدي
الخميس مايو 10, 2012 3:04 pm