يا نديمي دنيتك ودها صمود
وما يريده من خلقنا يفعله
اذكر الله بالقيام وبالقعود
واساله لامن بغيت المساله
وخلك بطبعك مع العالم ودود
كل نفسا في نباها مكمله
قدم الشينه كما راحت تعود
لكن الزينه تعود محفله
المكانه بالتفاخر ما تزود
بالتواضع ترتفع با لمنزله
مرجعك لوطال عمرك للحود
يوم كلاً يتضح له مدخله
والبشر تمشي علي رتل وبنود
في معايير ببعضها مجمله
منهم اللي يفخر بفعل الجدود
ومنهم اللي فعل جده فشله
ومنهم اللي باللقى شرداً شرود
ومنهم اللي لا تقدم تزهله
والزمن من قبل فرعون وثمود
والحوادث في بعضها موصله
با لرخى ولا على يبس الكبود
لا تسجل... كلبوها مسجله
والفتن بين الجسد صنعة حقود
صفوة احوال الخلايق تنجله
مسلماً للمسلم يحشد الحشود
عنصريه وانحلال و مهزله
بالفكر والدين يا مسلم تسود
وابذل بتخميد ناراً مشعله
و التعنصر وفره ضد اليهود
كان عندك شي ودك توصله
وصاحبك لا صار وراك الصدود
ودون ذنباً منك سوى مشكله
حاول انك تبتعد عنه بركود
والزمان اللي مضى لا تقتله
والتسامح زين ....لاصار بحدود
ما يرى ضعف ونقاصة مرجله
والضعيف انسان ما يصلح يقود
راضيا يرضى.... زعلت تزعله
شخص عادي لايضر ولا يفود
اقرطه.... وليا بغيت استعمله
ملحة الرجال با ثبات الوجود
لا برز با يا مجالا يدخله
اغنم المقسوم والعليا جهود
ما تجي للي اموره مهمله
مالقى الفلاح بيدره محصود
واسال كفوفا لحاها منجله
الاشاره تكفي الفاهم يعود
ما يغامر في طريقا يجهله
والغبي مال العمى كثرالنشود
تبتلش به لا بغيت تعدله
والعطا من خلقة الدنيا يزود
في حلالك يوم لله تبذله
الكريم بمنزله يرقى سنود
والبخيل اردى مكانا ينزله
ولاكسر ظهر العطى الاجحود
ومن يمن ليا عطى ما ابخله
عود اليمنى على الجود وتجود
لا تعودها تكون مكبله
كوننالوهو على كيف الحسود
والله ان تلقى الغيوم مشمله
لا سحاب ولا بروق ولا رعود
والا راضي كلبوها ممحله
لكن الله جاعلا خيره يسو
ورافع كفوف الدعا مايخذله
يا نديمي كلها ودها صمود
و الاوادم والعقول مشكله
فايز الخشيف
[center]
الخميس مايو 10, 2012 3:00 pm