مرة من المرارري

مرة من المرارري


وكانت فى اجازة الربيع وكنا نطلع( ليوا) منطقة انروح انصيف ونشتي فيها <<< لبى التصيف بسسسس


انصيف فيها نحن هل الامارات يالبى عليها واللي ف خاطرة تصيفة محترمة حياه والله يامرحبابه


<<<<اقول لايكثر ادخلي ف الموضوع اففففف محد ياخذ راحتة ف الرمسة


المهم كنا ف ليوا وكان شتا علينا مطر وخير والجو كام خووووقتققققق ومش طبيعي حتى من غرابته كنت اظن اني فى لوووندن <<<<<هين ف شهر سبعه بتكووونين ف لندن اون قال اية قال لووووندن


المووووهييييم وجو حلو وشاعري وفنان بس مايدق عووود خخخخخخخ


واخي العزيز يعلني فدوة له كان عندة دراجة (دباب ) وكنا انا واختي وبنت عمي طبعا نترجى يعطينا نلعب فيه ولين ماتوصلنا لحل وسط ويرضي الطرفين خخخخخخخخ


المهم اخوي قال انا بلعب لين اخر الليل لان بيروح هو وربعه يقطعون ف الرملة ويوم بيرد وبعاطينا الدراجة طبعا نحن اهم شي الدراجة اتينا واالاهم انا نلعب


وتمينا سهرة على التي في والبوب كون والفصفص وكل شوي نطلع واختى عللى سجادتها تدعو ان اخوي ايي بسرعه و من لحفوووز نبا نلعب


ايييييييييية نسيت اخبركم ان عندي ولد عم معقد ومن سوء الحظ اخته معانا بيجي ذكرة فيما بعد ليه معقد


المهم يا اخوي الساعه ثلاث فليل وقلت شرايكن نلعب والله ام الوناسة بنحط اللثم مع ان مافي احد ف الشعبية الا بيتنا وبيت قوم عمي وناسة طبعا محد شجعني اني اطلع قلت خلاص انا اشجع نفسي واطلع يالله خل نستانس لان عقب اسبوعين بيكون عرسي يعني وناسة وخبال قبل لانلتزم بيت ورجل وكذا يعني


قلت للبنات يطلعن الدراجة برا بروح وبجي طبعا كنا نسحب الدراجة عشان امي ماتسمع صوتها خخخخ شردة يعني


المهم دخلت داخل ولبست كندورة اخوي واشل سفرته (شماغه ) واطلع للبنات اللي خافت يتحسبن حد ياهن


وجان تقول بنت عمي لو انتى ولد كان خطبتج لي قلت من زينج عاااد اصلا باخذ برا العايله مصدققة الاخت


واطق اللثمة والبنات قاعدين يشوفوني واركب الدراجة واروح احاوط ف الشعبية وكان بصرااااحة يخوووف مت رعب وانا بروووحي وكل شوي اشجع نفسي واقول كلة تتخيلين الجو حلو وهاي مغامرة عيشيها وشوي ترتفع روحي المعنوية وكنت شوي بعيد عن البيت واسمع صوت دراجات ياية صوبي قلت اوووف شو ها الورطة لازم ارجع بسرررع وان ثلاث دراجات عدالي وانا خلاص ميته رووووع وقولووووو منو معهم ......... ايه ولد عمي كان واحد من اللي ف الدراجة مع الشباب وتمو يتكلمون معاي يسئلوني من وين ومن انت وكذذا يعني وشو تسوي ف شعبيتنا ومنو ادور ولاعرفت شو اقول غير اني استنجد باخوي جان اقولهم ادور ربيعي ولد فلان هو بيطلع معانا وبخطف اشله ولاني متلطمة ماكان الصوت واضح


مع اني شفت نظرات الشك ف عيون ولد عمي بس ماعطيته وية وصلوني بيتتنا على اساس اني ادور اخوي وراحو وانا من الرعبة سيدة ادخل عند البنات واخبرهن شو استوالي وقلنا خلاص بنقعد لين الصبح وبنطلع الصبح احسن بيكوننن كل نايم اقصد الشباب


وتمينا نلعب كروك تعرفونها ها العبة حد يغمض والباقي يشرد ويعد لين عشة وايتم يدورنا بزرااااان ماكوشغل


ويوم اصبح الصبح واشرقت الشمس وزغزغقت العصافير <<<<<شو تعبير هووو


ركبنا انا وبنتى عمي وانا اسوق لاني ما احب حد يسوقبي ما اثق فى احد المووووهيييييم بتقصين لنا قصت حياتج يعني


نزلنا تحت عند العزب وبعدين رحنا الرملة شوي وقعدنا انقحص والله امممم الفله والونااااسة ولعبنا من قلب وبعدين كان في نقى يعني طعس كبير وروعه اللعبة فية جان اتيني هفه علية ورحت بقحص علية وبس تنجلب فينا الدراجة وانا صراحة خفت على بنت عمي امانه عندي واول ماوصلنا تحت اخر الطعس يالله اشل عمري رحت اشفها طلعت ذكية ونطت اول ماحست ان الدراجة بتنجلب وانا شكلي من الخوف والروع ماكنا انحس باي الم ورجعنا للدراجة نحاول نشغلها بس ماشتغلت وتمينا شوي بعدبن قلت شكلنا بنرجع مشي وتمينا نمشي لان رحنا بعيد عن البيت وكنا خايفين من عمال المزارع وشوي نسمع صوت داجة حولنا يوم شفنا انه ولد عمي وتم يواقعنا ويهزبنا وتم يطالعني بنظرات اونه اني كاشف حركتج فليل مع الشباب وشل اخته وراح واقولة انا منو بيقعد عندية والله عيشني ف رعب اكررررهه وتميت بروحي جالس لحالي ولحالي هزني الشوق وذكرته والله مب وقتك ياعيضة رجعت وف نص الطريق ياني بس خلاص كلة ولاكرامتية قالي ركبي قلت مب راكبة معاك عطني الدراجة بسوقها بروحي قال احلمي وراح عنية اقووولكم نذل وانا خلالالاص انهد حيلي من العب والسهر ووصلت البيت خلاص ماشوف قدامي ويحليل اختي تنتظر تلعب دخلت ولاكلمت حد ويوم قعت ان العالم كلهم يدرون بسالفه وان جسمي كلة كدمااات ويعورنية وطبعا اتهزئنا تهزييئ ماتهزئوش حد <<< اتحدى احد يقولها خمس مراااات


وابشركو كلنا بخير وبنت عمي ماصابها شي واختى يحليلها تناظر الدراجة بحسافه انها مالعبت والدراجة بخير بس امية حلفت ماعاد نركبها هههههههه